¹და იყო. რაჟამს აღაშენა ზღუდე იგი, აღვმართენ ბჭენი მისნი, და დადგეს მეკარენი და შემასხმელნი ფსალმუნთანი და ლევიტელნი იგი.

²და ვამცენ ანანიას და ძმათა ჩემთა - ანანია მთავარი ზედა იერუსალჱმისა, რამეთუ იგი იყო კაცი ჭეშმარიტი, მოშიში ღმრთისაგან მრავალთა უფროს.

³და ვარქუ მას: ნუ განაღებ ადრე ბჭეთა იერუსალჱმისათა ვიდრე აღმოსლვადმდე მზისა და ვიდრე ყოველთა ეღჳძისღა, დაჴშნედ ბჭენი იგი კლიტითა, დაკრძალნედ იგინი და დადგედ მჴუმილავნი ბჭეთა თანა მკჳდრთა იერუსალჱმისათა, კაცი საჴუმილავსა თჳსსა, კაცი თჳთეულად სახლსა თჳსსა

⁴რამეთუ ქალაქი ესე დიდ არს და ფართო, და ერი მცირედ არს მას შინა, და არა ყოველი ტაძარი აღშენებულ არს.

⁵და შთააგდო ღმერთმან გულსა ჩემსა, და შევკრიბენ პატიოსანნი იგი და მთავარნი და ერი იგი ყოველნი შესაკრებელსა ერთსა და ვპოვე წიგნი ერთი ნათესავთა რიცხჳ, რომელნი გამოსრულ იყვნეს პირველ ტყუეობისაგან, და იყო მას შინა წერილი ესრეთ:

⁶ესე არიან შვილნი, რომელნი გამოვიდეს ტყუეობისაგან, რომელნი სხემ-ყუნა ნაბუქოდონოსორ მეფემან ბაბილონელმან, და მოიქცეს იერუსალჱმდ და ურიასტანად კაცი ქალაქად თჳსად,

⁷რომელნი მოვიდეს ზორაბაბელის თანა და იისუს და ნეემიას თანა, აზარიანისა და ელმეა, ნაემანი, მარდოქე, ბაჰალასან, მარასფარათ, ეზრა, ბაუიგეა, ნაუმ, ბაანა, მაფარ - კაცნი ერისა ისრაჱლისანი.

⁸ძენი ფოროსისნი: ორათას ასსამეოცდაათორმეტ.

⁹ძენი საფატისნი, სამასსამეოცდაათორმეტ.

¹⁰ძენი ერასისნი: ექუსასერგასისდაორი.

¹¹ძენი ფათამოაბისნი, ძეთა მათ იუსასთა და იოაბისთა: ორ ათას ორასდაათურამეტ.

¹²ძენი ელამისნი: ათას ორასერგასისდაოთხი.

¹³ძენი ზათურისნი: რვაასორმეოცდახუთი.

¹⁴ძენი ზაქაისნი: შვიდასსამეოც.

¹⁵ძენი ბანუვასნი: ექუსასორმეოცდარვა.

¹⁶ძენი ბიბეისნი: ექუსასორმეოცდარვა.

¹⁷ძენი აზისნი: ორ ათას სამასოცდაორი.

¹⁸ძენი ადონიკამისნი: ექუსასერგასისდაშვიდი.

¹⁹ძენი ბაზუვეისნი: ორ ათას სამეოცდაშვიდ.

²⁰ძენი ადინასნი: ექუსასერგასისდაოთხ.

²¹ძენი ატტერისნი, ძენი ეზეკიასნი: ოთმეოცდაათურამეტ.

²²ძენი ასუმისნი: სამასოცდარვა.

²³ძენი ბეასისნი: სამასოცდაოთხნი

²⁴ძენი არიბისნი: ასათორმეტ.

²⁵ძენი გაბაონისნი: ოთხმეოცდაათხუთმეტი.

²⁶

²⁷ძენი ბეთლემისნი: ასოცდასამი. ძენი ლეფუტანისნი: ერგასისდაექუსი.

²⁸ძენი ანათოთისნი: ასოცდარვა კაცი, ბეთაზმასნი: ორმოცდაორი.

²⁹კაცნი კარიათირიმისნი, ქაფირა და ბეროთ: რვაასორმეოცდასამი.

³⁰კაცნი არამისნი და გაბაისნი: ექუსასოცდაერთი.

³¹კაცნი მააქემარისნი: ასოცდაორი.

³²კაცნი ბეთელისნი და არაისნი ასოცდასამი.

³³კაცნი ნაბლაჲსნი: ასერგასისდაორი. კაცნი მაკებოისნი: ასერგასისდაექუსი.

³⁴კაცნი ელამისნი: ათას ორასერგასისდაოთხ.

³⁵ძენი ერამისნი: სამასდაოც

³⁶ძენი იერიქოვისნი: სამასორმეოცდახუთი.

³⁷ძენი ლოდისნი ადიდ და ანონ: შჳდასოცდასამი.

³⁸ძენი ანონისნი: სამ ათას ასოცდაათი.

³⁹და მღდელნი იგი ძენი ოვიდასნი და სახლისა მის ისოსი: ცხრაასსამეოცდაათცამეტ.

⁴⁰ძენი ემეირისნი: ათასის ერგასისდაორი.

⁴¹ძენი ფასეურისნი: ათასორასორმეოცდაშჳდი.

⁴²ძენი ერამისნი: ათას და ათჩჳდმეტ. და ლევიტელნი იგი:

⁴³ძენი ისუჲსნი, კადიმელ, ძეთა მათგან.

⁴⁴უდადისთა: სამეოცდათორმეტი და შემასხმელნი იგი ფსალმუნთანი.

⁴⁵ძენი ასაფისი: ასორმოცდარვა.

⁴⁶და მეკარენი იგი ძენი ელომაასნი, ძენი ატტერისნი, ძენი ტემეონისნი, ძენი ავუბისნი, ძენი ატიტასნი, ძენი საბეისნი: ასოცდაათრვამეტნი.

⁴⁷და ნათანიმაელნი იგი: ძენი სილაასნი და ძენი ასაფისნი, ძენი ტაბაოთისნი.

⁴⁸ძენი სარიასნი, ძენი სიაასნი, ძენი ფასნისნი, ძენი ლაბანისნი, ძენი ადაბასნი, ძენი აკუდისნი, ძენი ოტასნი, ძენი ვეტარისნი, ძენი აგაბისნი, ძენი სელემისნი.

⁴⁹ძენი ანანისნი, ძენი გადელისნი, ძენი გაარისნი

⁵⁰ძენი რეასნი, ძენი ჰარსონისნი, ძენი ნეკოდაისნი.

⁵¹ძენი გეეზაბისნი. ძენი ოზიასნი, ძენი ფისუისნი.

⁵²ძენი ბესეისნი, ძენი მეიონომისნი, ძენი ნეფოაჲსნი.

⁵³ძენი ბაბუვისნი, ძენი აქეფასნი, ძენი არურისნი

⁵⁴ძენი ასალოთისნი, ძენი მედადისნი, ძენი ადასანისნი.

⁵⁵ძენი ბარკუსესნი, ძენი სისარისნი, ძენი თემანისნი.

⁵⁶ძენი ნესიასნი, ძენი სარიფოსნი.

⁵⁷ძენი მონათა მათ სოლომონისანი: ძენი სუტისნი, ძენი საფარათისნი, ძენი ფერედასნი.

⁵⁸ძენი იეალესნი, ძენი დორკონისნი, ძენი გადელლისნი.

⁵⁹ძენი საფატიასნი, ძენი ეტემიისნი, ძენი ფაქარატისნი, ძენი საბაიმისნი, ძენი ლეიმისნი.

⁶⁰ყოველნი ნათანიმელნი და ძენი მონათა მათ სოლომონისანი: სამასოთხმეოცდაათორმეტ.

⁶¹და ესენი იყუნეს, რომელნი გამოვიდეს თელმელექით: თელასარა, ქერობე, ეროკ, ემერ და ვერ უძლეს თხრობად სახლი მამათა თჳსთა, ვერცაღა ნათესავისა თჳსისათჳს, ისრაჱლისაგანნი იყუნეს.

⁶²ძენი დალაიასნი, ძენი ბუვასნი, ძენი ტობიასნი, ძენი ნეკუდასნი ექუსასორმეოცდაორი.

⁶³და მღდელთა მათგანნი: ძენი ებეასნი. ძენი აკუმისნი, ძენი ელისასნი, რამეთუ მოიყვანა ცოლი ასულთა მათგან ბერზელის გალადიტელისათა და სახელ-ედვა სახელისაებრ მისისა.

⁶⁴ამათ მოიძიეს აღწერად ნათესავთა რიცხჳსა მათისა და არა იპოვა, განიყენნეს მღდელთა მათგან.

⁶⁵და ჰრქუა მათ ათერსასთა: ნუ ჭამედ იგინი სიწმიდისა მისგან წმიდათასა, ვიდრემდის აღდგეს მღდელი და განანათლნეს იგინი განცხადებულად.

⁶⁶და იყო ყოველი იგი ერი კრებულისა მის ოთხი ბევრი ორ ათას და სამეოც.

⁶⁷გარნა მონანი და მჴეველნი მათნი, რომელნი იყუნეს შჳდ ათას სამასოცდაშჳდმეტი, რომელნი იყუნეს შემსხმელნი ფსალმუნთანი, მამანი და დედანი ორასორმეოცდახუთი.

⁶⁸და ცხენები -- შჳდასოცდაათექუსმეტ და ჯორები მათი - ორასორმეოცდახუთი.

⁶⁹აქლემები მათი - ოთხასოცდაათხუთმეტი და ვირები მათი - ექუსი ათას შჳდასოც.

⁷⁰და მფლობელთა მათ მამათმთავართაებრ მათ მისცეს საქმესა მას და ათერსათა მისცა ფასი ოქროსა ათასოდენ, პინაკები - ერგასის და კვართი სამღდელო - ოცდაათ.

⁷¹მფლობელთა მათ მამათმთავართა მისცეს ფასი საქმარად ოქრო ორი ბევრი, ვეცხლი ბევრი, ქანქარი - ორ ათას ორასი.

⁷²და სახლმან მან ერმან მისცეს ორი ბევრი დრაჰკანი, და ჭურჭელი ვეცხლისა. ორ ათას ოდენ და კვართები სამღდელო სამეოცდაშჳდი.

⁷³და სხდეს მღდელნი იგი ლევიტელნი და მეკარენი და შემასხმელნი ფსალმუნთანი და ერისაგანნი იგი და ნათანელნი იგი და ყოველი ისრაჱლი ქალაქებსა თჳსსა.