¹და ესე არიან ძენი ისრაჱლისანი თჳთეულად ადგილთაგან, რომელნი გამოვიდოდეს ტყუეობისაგან, რომელი წარტყუევნა ნაბუქოდონოსორ მეფემან ბაბილონად, რომელნი მიაქცია კჳროს ბაბილოვნით იერუსალჱმდ ჰურიასტანად, კაცნი თჳთეულად ქალაქსა თჳსსა,

²რომელნი გამოსულ იყუნეს ზურობაბელის თანა: ისუ, ნეემია, სარეა, ჰრეილიას, მარდოქეა, ბალაასან, მასაფარ, გაგუვარ, ჰრეუმ, ბაანა. ესე არს რიცხჳ კრებულის მის ძეთა ისრაჱლისა.

³ძენი ფორსისნი ორ ათას ასსამეოცდაათორმეტ.

⁴ძენი საფატისნი ოთხასსამეოცდაათორმეტ.

⁵ძენი არისისნი შჳდასსამეოცდაათექუსმეტ.

⁶ძენი ლეფთალემისანი, მოაბელისნი, და ძეთა ისუთა, და აროაბისთა, ორ ათას რვაასდაათორმეტ.

⁷ძენი ელმოსნი ორ ათას ორასერგასისდაოთხ.

⁸ძენი ზატუნასნი ცხრასასოცდახუთ.

⁹ძენი ქორებისნი შჳდასერგასის.

¹⁰ძენი ბანესნი ათას ორმეოცდარვა.

¹¹ძენი ბებენისნი რვაასოცდასამ.

¹²ძენი არგესნი ათას სამასოცდაორ.

¹³ძენი ადონივამისნი რვაასსამეოცდაათშჳდმეტ.

¹⁴ძენი ბოსორისნი ორ ათას რვაასდაექუს.

¹⁵ძენი ადდლნასნი ოთხასერგასისდაოთხ.

¹⁶ძენი აზერ ეზეკიასნი ოთხმეოცდათექუსმეტ.

¹⁷ძენი ბესიასნი სამასოცდახუთ.

¹⁸ძენი იარასნი ასდაათორმეტ.

¹⁹ძენი ასუმისნი ორასოცდასამ.

²⁰ძენი გაბერისნი ოთხმეოცდაათხუთმეტ.

²¹ძენი ბეთლემისნი ასოცდასამ.

²²ძენი ნოტოფისნი ერგასისდაექუს.

²³ძენი ანთოეთისნი ასოცდარვა.

²⁴ძენი ისემოთისნი ორმეოცდაორ.

²⁵ძენი კარიათირიმისნი ქაფირა და ბეროთ, შჳდასორმოცდასამ.

²⁶ძენი რასამისნი და გებასნი ათას ოცდაერთ.

²⁷ძენი მაქამისნი ასოცდაორ

²⁸ძენი ბეთელისნი და იედეასნი ოთხასოცდასამ.

²⁹ძენი ნაბუისნი ერგასისდაორ.

³⁰ძენი მაგებისნი ასერგასისდაექუს.

³¹ძენი ელამარისნი ათას ორასერგასისდაოთხ.

³²ძენი არამისნი სამასდაოც.

³³ძენი ლიდლონისნი ლოვდადიდ და ონა, შჳდასოცდახუთ.

³⁴ძენი იერიქოვისნი სამასორმეოცდახუთ.

³⁵ძენი სენნასნი სამ ათას ექუსასოცდაათ.

³⁶და ძენი მღდელთანი და ძენი ედდოასნი სახლისა ისოსნი იოესედეკეანისნი ცხრაას სამეოცდაცამეტ.

³⁷ძენი ემერისნი ათას ერგასისდაორ.

³⁸ძენი ფასურისნი ათას ორასორმეოცდახუთ.

³⁹ძენი ერემისნი ათას შჳდას.

⁴⁰და ლევიტელთანი იგი ძენი ისუასნი, კადმიოელ ძისა სუდიასი სამეოცდაათოთხმეტ.

⁴¹და რომელნი-იგი იყუნეს მეფსალმუნენი და შემასხმელნი და ძენი იგი ასაფისნი ასოცდარვა.

⁴²და ძენი მეკარეთანი, ძენი ელუმასნი, ძენი ატერისნი, ძენი ტელმონისნი და ძენი აკაკბობისნი, ძენი ატიტასნი, ძენი სობასნი, ყოველივე ასოცდააცხრამეტ.

⁴³და ნათანისგან თესლნი: ძენი არალისნი, ძენი ასუფასნი, ძენი ტაბაოტისნი.

⁴⁴ძენი კერაოსისნი, ძენი სიაასნი, ძენი ფადოენისნი.

⁴⁵ძენი ლაბანისნი, ძენი ადაბისნი, ძენი აკობისნი.

⁴⁶ძენი ადაბისნი, ძენი სელამისნი, ძენი ანანისნი.

⁴⁷ძენი გედდელისნი, ძენი გაარისნი, ძენი ჰრადისნი.

⁴⁸ძენი ჰრასუნისნი, ძენი გაზაამისნი, ძენი ნეკოვდასნი.

⁴⁹ძენი გაზანისნი, ძენი ფასესნი, ძენი ბაასისნი

⁵⁰ძენი ასენისნი, ძენი მოვანიმისნი, ძენი ნეფუმისნი.

⁵¹ძენი ბაკუთისნი, ძენი აკუფასნი, ძენი არურასნი.

⁵²ძენი ბავლუთისნი, ძენი მიდაასნი, ძენი არისასნი.

⁵³ძენი ბარკოსისნი, ძენი სისარასნი, ძენი თამაისნი.

⁵⁴ძენი ნესოვასნი, ძენი ატტუფასნი.

⁵⁵ძენი მონათა სოლომონისნი, ძენი სოტეასანი, ძენი ასუფერატისნი, ძენი ფაკდურასნი.

⁵⁶ძენი იელაასნი, ძენი კედროვნისნი, ძენი კედედელისნი.

⁵⁷ძენი საფასტასნი, ძენი ატტილისნი, ძენი ფაქერუთისნი, ასაბუბ, ძენი იემეისნი.

⁵⁸ყოველნი იგი ძენი ნათანისნი და ძენი მონათა მათ სოლომონისათანი სამასოთხმეოცდაათორმეტ.

⁵⁹და ესენი არიან გამოსრულნი თელმელექად, თელარესად, ქერობად, ედარ და ემერად, და ვერ შეუძლეს თხრობად სახელთა მამათა თჳსთასა, უკუეთუ არს ნათესავი მათი ისრაჱლისაგან.

⁶⁰ძენი დალავისნი, ძენი ტობიასნი, ძენი ნეკოდასნი ექუსასერგასისდაორ.

⁶¹და ძეთა მათგან მღდელთასა: ძენი აბაასნი, ძენი აკოსისნი, ძენი ბერზელესნი, ვითარცა მოიყვანნა ასულთა მათგან ბერზულოსთა გალაადიტელისა თჳსა ცოლად, იყო დავიწყება სახელთა მათთა.

⁶²და ეძიებდეს ნათესავთა რიცხუსა წიგნთა მათსა და არა იპოვა. და განაშორნეს იგინი მღდელთაგან.

⁶³და ჰრქუა ანამესითა მათ: არა წეს არს თქუენდა ჭამად სიწმიდისა მისგან წმიდათასა, ვიდრემდის აღდგეს მღდელთმოძღუარი და განცხადებულად უჩუენოს, მის მიერ განათლდენ ყოველნი სრულიად.

⁶⁴და იყო ყოველი იგი კრებული ერთბამად ოთხ ბევრი ორ ათას სამასსამეოც.

⁶⁵გარნა მონათა და მჴევალთა მათთა და მწყემსნი მათნი - ათას სამასოცდაათჩჳდმეტ და შემსხმელნი მეფსალმუნენი მათნი, მამანი და დედანი ორას;

⁶⁶ცხენები მათი შჳდასოცდათექუსმეტ და ჯორები მათი ორასორმეოცდაშვიდ.

⁶⁷და აქლემები მათი ოთხასოცდაოხუთმეტი და ვირები მათი ექუს ათას შჳდასდაოც;

⁶⁸და მფლობელნი იგი მამათმთავარნი, რომელნი მოვიდეს სახლსა უფლისასა იერუსალჱმდ, შეწირეს სახლსა ღმრთისასა განმზადებულება საშენებელად მისა,

⁶⁹რაოდენიცა იყო ძალი მათი, მისცეს აღსაგებელად საფასე საჴმრისა: ოქრო დიდრაქმა ექუსი ბევრი და ათას და ასი, და ვეცხლი ხუთ ათასი ქანქარი და კუართები სამღდელო ასერგასის.

⁷⁰დასხდეს მღდელნი და ლევიტელნი და ერისა მისგანნი შემასხმელნი და მეკარენი ნათანელნი ქალაქთა თჳსთა და ყოველნი ისრაჱლნი ქალაქთა თჳსთა.