¹და დაადგინნა მეფემან დავით მთავართა ძლიერებისათა საქმესა ზედა ძეთა თანა ასაფისთა ემან და იდითუმ, შემასხმელნი ქნარითა და ებნითა და წინწილითა. და იყო რიცხჳ მათი თავად-თავადისა მათისა, მოქმედთა საქმისა მათისთა.

²ძენი ასაფისნი: ზაქურ და იოსეფ და ნათანა და იესიელ, ძენი ასაფისნი, მახლობელად მეფისა.

³და იდითუნს და ძენი იდითუნისნი: გოდოლია და სური, და ეიმ და სემეი, და ასაბია და მატათია ექუსნი მამისა მათისა თანა იდითუმისა ქნარითა ცემად, აღსარებად და ქებად უფლისა.

⁴და ძენი ემანისნი: ბოკია, და მათთანია, და ოზიელ, და სუბაელ და ერიმუთ ანანია, და ანან და ელია და გედოლათა და რომეთი, ეზერ და სებეკათან, და მელამოთ, და იოთირი და მაზიოთ,

⁵ესე ყოველნი ძენი ემანისნი ქნარითა ცემასა წინაშე მეფისა და სიტყჳთა ღმრთისაჲთა აღმაღლებად რქა. და მისცნა ღმერთმან ემანს ძენი ათხუთმეტნი და სამნი ასულნი,

⁶ესე ყოველნი მამისა მათისა თანა გალობად სახლსა შინა უფლისასა წინწილითა, ნესტჳთა და ებნითა მახლობელად მეფისა, ასაფ და იდითუნ და ემან.

⁷და იყო რიცხჳ მათი ძმათა მათ სწავლულნი გალობად უფლისა. ყო- ველნი გულისხმისმყოფელნი ორას ოთხმეოცდარვა.

⁸და განიგდეს ამათაცა წილი დღითიდღედ მსახურებისა მცირისაებრ და დიდისა სრულთა და მოსწავლეთა.

⁹და გამოუჴდა წილი პირველი ასაფსა და ძეთა მისთა და ძმათა მისთა. იოსეფ პირველი, გოდოლია მეორე და ძმანი მისნი და ძენი მისნი, - ათორმეტ,

¹⁰მესამე ზაქურ, ძმანი მისნი და ძენი მისნი - ათორმეტ.

¹¹მეოთხე იეზრი, ძმანი მისნი და ძენი მისნი, - ათორმეტ.

¹²და მეხუთე ნათანია და ძენი მისნი და ძმანი მისნი, - ათორმეტ.

¹³მეექუსე ბოკიას და ძენი მისნი და ძმანი მისნი, - ათორმეტ.

¹⁴მეშჳდე ესოელ, ძენი მისნი და ძმანი მისნი, - ათორმეტ.

¹⁵მერვედ იოსია, ძმანი მისნი და ძენი მისნი, - ათორმეტ.

¹⁶მეცხრედ მათანი, ძმანი მისნი და ძენი მისნი - ათორმეტ.

¹⁷მეათედ სემეი, ძმანი მისნი და ძენი მისნი - ათორმეტ.

¹⁸მეათერთმეტედ ეზდრიელ, ძმანი მისნი და ძენი მისნი - ათორმეტ.

¹⁹მეათორმეტედ ასაბია, ძმანი მისნი და ძენი მისნი, - ათორმეტ.

²⁰მეათცამეტედ სუბაელ, ძმანი მისნი და ძენი მისნი, - ათორმეტ.

²¹მეათოთხმეტედ მატთა, ძმანი მისნი და ძენი მისნი, - ათორმეტ.

²²მეათხუთმეტედ იერიმუთ, ძმანი მისნი და ძენი მისნი, - ათორმეტ.

²³მეათექუსმეტედ ანანია, ძმანი მისნი და ძენი მისნი - ათორმეტ.

²⁴მეათჩჳდმეტედ იეზბაკათან, ძმანი მისნი და ძენი მისნი, - ათორმეტ.

²⁵მეათურამეტედ ანანია, ძმანი მისნი და ძენი მისნი, - ათორმეტ.

²⁶მეათცხრამეტედ მალეთი, ძმანი მისნი და ძენი მისნი, - ათორმეტ.

²⁷მეოცედ ელიათ, ძმანი მისნი და ძენი მისნი - ათორმეტ.

²⁸ოცდამეერთედ იეთირი, ძმანი მისნი და ძენი მისნი, - ათორმეტ.

²⁹ოცდამეორედ გეელოი, ძმანი მისნი და ძენი მისნი, - ათორმეტ.

³⁰ოცდამესამედ მააზოთ, ძმანი მისნი და ძენი მისნი, ათორმეტ.

³¹ოცდამეოთხედ რომიეთეზე, ძმანი მისნი და ძენი მისნი, - ათორმეტ.