¹ესე შობანი ძეთა ნოესთანი: სემ, ქამ და იაფეთ. და იყვნეს მათდა ძენი შემდგომად წყლით რღუნისა.

²ძენი იაფეთისანი ღამერ, და მაგოგ, და მადიმ, და ავან და ელიოსან, და თობელ და მოსოქ და თირას.

³და ძენი ღამერისანი: ასქანაზ და რიფათ და თორღამა.

⁴და ძენი ავანისნი: ელისა და თარშის კიტელნი.

⁵როდელნი, ამათგან განიყვნეს ჭალაკნი წარმართთანი ქუეყანასა მათსა, თჳთეულნი ენად-ენად ტომთა შინა მათთა და ნათესავთა შინა მათთა.

⁶ხოლო ძენი ქამისნი: ხუს, და მესარაიმ, ფუდ და ქანან.

⁷ხოლო ძენი ხუსისნი: სავა, და ლვილატ, და სავათა, და რეღმაჲ და სავაკათა, ხოლო ძენი რეღმასნი: სავან და დათან.

⁸ხოლო ხუს შვა ნებაროთ. ამან იწყო გმირ-ყოფად ქვეყანასა ზედა.

⁹ესე იყო გმირი მონადირე წინაშე უფლისა ღმრთისა.

¹⁰და იქმნა დასაბამ მეფობისა მისისა ბაბილონი, ორექი, აქადი და ტალანი ქუეყანასა სენარისსა.

¹¹ქუეყანისა მისგან გამოვიდა ასურ და აღაშენა ნინევი, და ქალაქი რომოთი, და ხალანი.

¹²და დასე, საშუალ ნინევისა და საშუალ ხალანისა, ესე ქალაქი დიდი.

¹³და მესარიმ შვნა ლუდიიმელნი, და ემატიიმელნი, და ლავიიმელნი, და ნეფთალიმილნი.

¹⁴და პატროსონიმელნი და ხასლორიმელნი, ვინა გამოვიდა მიერ ფილისტიმ და კაფთორიიმელნი.

¹⁵ხოლო ქანან შვა სიდონ პირმშოდ და ქეტელი.

¹⁶და იებოსლელი, და ამორეველი, და გერგესეველი.

¹⁷და ეველი, და არუკეველი, და ასენეველნი.

¹⁸და არადელნი, და სამარეელნი, და ამათეფელნი და ამაათი, შედგომად მათსა განეთესნეს, ტომნი ქანანელთანი.

¹⁹და იქმნნეს საზღვარნი ქანენელთანი სიდონისაგან და ვიდრე შესლვადმდე გერარად და ღაზად, და ვიდრე შესლვადმდე სოდომად და გომორად.

²⁰ადად და სებვომად - ესე ძენი ქამისნი ტომთა შინა მათთა და ენათა მათთა და სოფელთა მათთა.

²¹და სემისსა იშუნეს მის-და-ცა მამისა ყოველთა ძეთა ებერისთასა, ძმისა იაფეთისა, ძმისა უხუცესისა.

²²ძენი სემისნი: ალიმ, და ასსურ, და არფაქსად, და ლუდდა, არამ და კაინან.

²³და ძენი არამისნი: ოს, და იულ, და ღათერ და მოსოხ.

²⁴და არფაქსად შვა სალაჲ. და სალა შვა ებერ.

²⁵და ებერისსა იშვნეს ორნი ძენი: სახელი ერთისა მის ფალეკ, რამეთუ დღეთა მისთა განინაწილა ქუეყანა და სახელი ძმისა მისისა იეკტან.

²⁶ხოლო იეკტან შვა ელმოდად, და სალეფ, და ასარმოთ, და იერარ.

²⁷და დორრა, და ღაზილ, და დეკლაჲ.

²⁸და გებარ, და აბიმეილ, და სავარ.

²⁹და უფირ, და ევილატ, და იობაბ ესე ყოველნი - ძენი იეკტანისნი.

³⁰და იქმნა დამკჳდრებაჲ მათი მასისითგან ვიდრე მოსულადმდე სოფირად, მთად აღმოსავლისად.

³¹ესე ძენი სემისნი - ტომთა შინა მათთა, სოფელთა შინა მათთა და ნათესავთა შინა მათთა.

³²ესე ტომნი ძეთა ნოესთანი ნათესაობათაებრ მათთა თესლისაებრ მათისა. ამათგან განეთესნეს ჭალაკნი ნათესავთანი ქუეყანასა ზედა შემდგომად წყლით რღუნისა.