ამპარტავნებით დასნეულებული ადამიანი თანდათან იღებს ეშმაკის ხასიათს და ჩვევებს. ზოგიერთ ადამიანში ამპარტავნება უხეშად და გამომწვევად ვლინდება, ზოგიერთში კი ის ისე ღრმადაა დამალული, რომ რთულია მისი ამოცნობა. როცა ადამიანის გონება ამპარტავნების მომაკვდინებელი სნეულებითაა დაზიანებული, მას არ შეუძლია თავისი ცოდვების დანახვა, რადგან ამპარტავნება სულს აბრმავებს.

მოცემულ წიგნში წარმოდგენილია წმიდა მამათა ნააზრევი სწორედ ამპარტავნების ცოდვის შესახებ. ვფიქრობთ, მათი გაცნობა დიდად დაეხმარება მკითხველს აღმოაჩინოს საკუთარ თავში ეს დემონური სნეულება და ღვთის შეწევნით, დაძლიოს იგი.