¹შევიყუარე, რამეთუ ისმინოს უფალმან ჴმისა ვედრებისა ჩემისა.

²მოყო ყური მისი ჩემდა, და მე დღეთა ჩემთა ვხადოდი მას.

³გარემომადგეს მე სალმობანი სიკუდილისანი, და ჭირთა ჯოჯოხეთისათა მპოვეს მე; ჭირი და სალმობაჲ ვპოვე.

⁴და სახელსა უფლისასა ვხადე:

⁵ჵ, უფალო, იჴსენ სული ჩემი. მოწყალე არს უფალი და მართალ და ღმერთი ჩემი მწყალობელ.

⁶დაიცავს ჩჩჳლთა უფალი; დავმდაბლდი, და მაცხოვნა მე.

⁷მოიქეც, სულო ჩემო, განსასუენებელად შენდა, რამეთუ უფალმან კეთილი გიყო შენ,

⁸რამეთუ იჴსენ სული ჩემი სიკუდილისაბან, თუალნი ჩემნი - ცრემლთაგან და ფერჴნი ჩემნი - ბორკილისაგან.

⁹სათნო-ვეყო წინაშე უფლისა სოფელსა შინა ცხოველთასა. დიდება