¹⁰მრწმენა მე, რომლისათჳსცა ვიტყოდე; ხოლო მე დავმდაბლდი ფრიად.

¹¹და ვთქუ განკჳრვებასა ჩემსა, რამეთუ: ყოველი კაცი ცრუ არს.

¹²რაჲ მივაგო უფალსა ყოვლისავეთჳს, რომელი მომაგო მე?

¹³სასუმელი ცხორებისა მოვიღო და სახელსა უფლისასა ვხადო.

¹⁴ლოცვანი ჩემნი უფალსა მივსცნე წინაშე ყოვლისა ერისა მისისა.

¹⁵პატიოსან არს წინაშე უფლისა სიკუდილი წმიდათა მისთა.

¹⁶ჵ, უფალო, მე მონა შენი, მე მონა შენი და ძე მჴევლისა შენისა;

¹⁷განჰხეთქენ საკრველნი ჩემნი, შენდა შევწირო მსხუერპლი ქებისა და სახელსა უფლისასა ვხადო.

¹⁸ლოცვანი ჩემნი უფალსა მივსცნე წინაშე ყოვლისა ერისა მისისა

¹⁹ეზოთა სახლისა უფლისათა, შორის შენსა, იერუსალჱმ!